CEBU, Philippines — Nasikop sa National Bureau Investigation (NBI) sa Central Visayas ang upat ka tawo, apil na ang tag-iya sa duha ka massage salons nga giingong nag-offer og ‘extra service’ sa Barangay Labangon Cebu City ug Talisay City.
Ang simultaneous nga entrapment ug rescue operations gihimo niadtong Marso 31,2022 uban sa Inter-Agency Council Against Trafficking in Persons, ug sa Department of Social Welfare and Development (DSWD).
Si Attorney Renan Oliva, NBI-7 Regional Director miila sa mga dinakpan nga sila si Mark Ryan Bilocura,24,kanhi seaman ug tag-iya sa duha ka parlor, iyang igsuong si John Lloyd Bilocura,19, manager, Jessica Jane Alonzo,25, ang receptionist, ug Marilos Tupacio,24.
Ang mga dinakpan gipaubos na sa inquest proceedings niadtong Lunes, Abril 4,2021 tungod sa maong mga kalapasan nga qualified human trafficking in persons ubos sa Expanded Anti-Trafficking In Persons Act Of 2012 kalabot sa Cybercrime Prevention Act Of 2012.
“They were using the Facebook platform for their operations, as well as a tablet for their customers to choose which therapists they would like,” matud pa ni Oliva.
Atol sa pakighinabi kagahapon, gipresentar ni Oliva ang mga ebidensya nga ilang nakuha, usa ka listahan sa giingon nga ‘extra service’ nga gi-offer sa maong mga establisemento, diin gisulat sa cardboard nga gitawag nila nga ‘menu.’
Kini nga lista lahi usab sa orihinal nga lista sa mga regular nga serbisyo sa pagmasahe nga sa salon.
“But if you avail of the special massage, with the higher rate, you will be given by the receptionist with this kind of menu,” matud ni Oliva.
Gawas niini, gibutyag ni Oliva nga ang onse ka mga babayeng massage therapists nga ilang na-rescue na-exploit pinaagi sa prostitusyon. Ang uban kanila lisensyadong mga massage therapist.
Matud pa nga una pa dawaton ang aplikante, gialegar nga kinahanglang mo “Lingam massage,”una kini sa tagiya. Ang lingam massage usa ka matang sa pagduwa sa kinatawo.
Ang mga naluwas nga biktima gitugyan na ngadto sa DSWD-7. Ang duha ka massage parlors nag-operate sukad pa niadtong buwan sa Mayo sa miaging tuig.
Ang maong mga establisamento adunay lehitimong mga dokumento isip regular nga mga spa salon.
“They have other services which would fall under the qualified trafficking because it would be exploitation and prostitution,” matud ni Oliva.
Ang ‘dugang nga serbisyo’ nga gisulat sa ilang ‘menu’ naglangkob sa mga serbisyo nga ginganlag ‘Flame Shot’, ‘Heaven Feels’, ug ‘Hit me up’, nga ang mga presyo magsugod P1,500.
Pagkapriso tibuok kinabuhi ug multa nga di momenus P2 milyones apan dili molapas sa P5 milyones ang silot sa Qualified Trafficking kun mapamatud-ang sad-an.— Rowena Capistrano/IBM (BANATNEWS)