CEBU, Philippines — Duna gihapoy pwersa sa kapolisan nga ipakatap sa kadanan bisan ug gilibkas na ang curfew sa dakbayan sa Sugbo.
Suma pa ni Police Lieutenant Colonel Wilbert Parilla ang Deputy Director for Operation sa Cebu City
Police Office nga kini ipatuman aron paglikay nga mahitabo ang ubang krimen sama sa snatching ug pagpanguot.
Lakip sa ilang bantayan mao ang mga menor de edad nga magsuroy suroy gihapon lapas na sa oras sa curfew.
Dugang pa ni Parilla, posibleng aduna unyay pagsaka sa mga pagpanguot ug pagpanulis ug snatching, ilabi na kay daghan na ang dugay nga mauli gikan sa lingaw-lingaw, ug mangahubog nga makatulog na lang sa ilang sakyanan.
Padayon usab ang pagmonitor sa mga polis sa mga establisamento nga makalapas sa health protocols ug
ilaha kining i-record ug iduso ngadto sa mga hingtungdan nga ahensya sa gobyerno alang sa tukma nga silot. (BANAT NEWS)