CEBU, Philippines — Gilusad sa Police Regional Office Central Visayas kagahapong adlawa, Huwebes sa sayon sa kabuntagon ang “Kasimbayanan” (Kawani, Simabahan ug Pamayanan) alang sa Secure, Safe and Fair Elections (S.A.F.E.).
Ang maong kalihukan gitambongan sa mga kadagkuan sa kapulisan, simbahan ug mga stakeholders kun diin sila mipirma og panaad nga motabang alang sa hapsay, limpyo ug malinawong piniliay karong Mayo 9,2022.
Atol sa kalihokan, adunay gipahigayon usab nga pag ampo ug candle lighting alang sa malinawon nga eleksyon.
Si Atty. Ferdinand Gujilde, ang regional spokesman sa Comelec miingon nga
matag eleksyon, makig-alayon gayud sila sa kapulisan, Armed Forces of the Philippines ug sa ubang ahensya sa gobiyerno aron sa pag deputized kanila para sa kalinaw sa umaabot nga eleksyon.
Matud niya ang kalampusan sa eleksyon dili lang obligasyon sa kapulisan, kasundalohan ug mga ahensya sa gobiyerno apan sa tanan kini nga katawhan.
Gitak-opan ang maong kalihukan sa pagpalupad sa mga putting kalapati uban sa pag-awit ug Bayan Ko.— IBM (BANATNEWS)