CEBU, Philippines — Nakaangkon og kasuko gikan sa mga netizens ang nahitabo karon sa mga iro nga gipang-impound didto sa lungsod sa Asturias nga wala nay kaon.
Usa ka concerned netizen nga adunay facebook name nga Clara Isabelle ang nipost sa hulagway ug video sa mga iro didto sa makeshift shelter sa Asturias.
“The dogs you captured are dying and eating their own kind out of hunger gikaon na lang nila ang ilang kauban sa cage nga namatay sa kagutom, because you aren’t feeding them. This is animal cruelty!” matod ni Isabelle.
“If you can’t do it right and handle the obligation, stop what you are doing and try to revisit you ordinance” dugang sa maong concerned netizen.
Ang mga gipang impound nga mga iro giingon subay sa gipatuman nga ordinansa sa lungsod nga gitawag nga “Asturias Dog Care and Anti-Rabies Ordinance”.sa maong ordinansa, gisaysay nga dakpon ang mga iro nga naglaroy laroy sa kadalanan sa lungsod paglikay sa disgrasya.
Ang mga sakop sa media, nisuway og tawag sa Munisipyo sa Asturias, apan hangtod sa pagsulat niining balita, wala pay pamahayag ang lungsod.
Nasayran hinoon sa Banat News nga aduna nay pipila ka pribadong indibidwal ug mga organisasyon ang nitabang ug ni-rescue sa mga iro. —MEL (BANATNEWS)