CEBU, Philippines — Usa ka ginang ang namatay samtang 50 ka tawo ang naluwas human sa pipila ka oras nga pagutaw-utaw sa dagat human ang ilang gisakyang motor bangka nga pasaheroan nalunod sa kadagatan sa Isla de Gato sa Carnaza island Lungsod sa Daanbantayan nidatong Biyernes sa hapon.
Ang nalunod mao ang MBCA Mercy Ray samtang kini naglawig gikan sa Brgy. Poblacion padung unta sa Carnaza sa dihang kini nalunod.
Ang maong pasaheroan dunay sakay nga 51 ka mga tawo naglangkob sa pasahero ug walo ka crew ug upat ka bata. Ang nakalas mao ang usa ka Rustica Oyao, 60 anyos. Tulo ka survivors ang gidala sa tambalanan human nangaangol.
Matud pa sa Kapitan sa maong pasaheroan nga Jojie Diano tanan niining mga sakay ug crew ang na rescue lakip na usab ang nakalas.
Gawas sa mga pasahero nagkarga sab kini og napulo ka sakong bugas ug 70 ka case sa soft drink.CEBU, Philippines — Usa ka ginang ang namatay samtang 50 ka tawo ang naluwas human sa pipila ka oras nga pagutaw-utaw sa dagat human ang ilang gisakyang motor bangka nga pasaheroan nalunod sa kadagatan sa Isla de Gato sa Carnaza island Lungsod sa Daanbantayan nidatong Biyernes sa hapon.
Ang nalunod mao ang MBCA Mercy Ray samtang kini naglawig gikan sa Brgy. Poblacion padung unta sa Carnaza sa dihang kini nalunod.
Ang maong pasaheroan dunay sakay nga 51 ka mga tawo naglangkob sa pasahero ug walo ka crew ug upat ka bata. Ang nakalas mao ang usa ka Rustica Oyao, 60 anyos. Tulo ka survivors ang gidala sa tambalanan human nangaangol.
Matud pa sa Kapitan sa maong pasaheroan nga Jojie Diano tanan niining mga sakay ug crew ang na rescue lakip na usab ang nakalas.
Gawas sa mga pasahero nagkarga sab kini og napulo ka sakong bugas ug 70 ka case sa soft drink.
Sumala pa sa report sa Philippine Coastguard, samtang nagbiyahe nasudlan og tubig ang dulong niini ug kalit nga nabali ang kasko hinungdan nga kini nalunod.
Tungod kay hinay-hinay ang pagkalunod nakatawag sa cellphone ang mga pasahero ngadto sa ilang mga kabanay ug sila nay nanawag sa kapulisan.
Nilanat ug pipila ka oras ang pagpangita sa mga biktima tungod kay napadpad man sila sa tunga-tunga sa may Kintarkan ug Isla de Gato. Padayon pa karon nihimo ug imbestigasyon ang coastguard may kalabutan sa maong insidente.
Mapasalamaton usab ang pipila ka mga pasahero kay dili ra dautan ang lakat sa panahon ug luwas ra ang mga minor de edad.
Ang buhatan sa Municipal Social Welfare and Development ubos sa mando ni Mayor Sun Shimura nipahigayon og stress de briefing sa mga survivors.
Ipasusi usab ni Shimura kung aduna bay lapso ang maong sakyanan pandagat ilabi na sa pagbiyahe na ug gabii tungod kay adunay kamanduan sa mga banca operators nga bawal mobiyahe basta lapas na sa alas singko sa hapon Gipahatagan usab ug ayuda ni Shimura ang mga survivors nga naglakip sa mil kinyentos pesos, lima ka kilo nga bugas ug paniudto adlaw nga Sabado. Matud pa ni Lt.JG Erick Salcedo, tigpamaba sa Coastguard Central Visayas, base sa ilang imbestigasyon kasarangan lang ang kadagatan sa dihang nahitabo ang insidente.
Nasuta usab nga overloaded ang maong motorbanca ug wala usab kini nagpa clear sa PCG personnel nga naa sa maong lugar sa wala pa sila nibiya.
Ang sobrang karga maoy hinungdan nga nasudlan kini og tubig kay naguba ang katig nga niresulta sa pagkalunod.
Ang kapitan sa motorbanca anaa na karon sa kustodiya sa kapulisan ug nagpaabot pa sa complainant kung mopasaka og kaso. (BANAT NEWS)