CEBU , Philippines — Tungod sa trahediya sa miaging semana nga nikalas og tulo ka kinabuhi, dili na tugotan sa Lungsod sa Catmon nga pakaligoan ang Tinubdan Falls sugod niadtong adlaw nga Miyerkules
Ang Catmon Police Station, nipahibalo pinaagi sa ilang social media account nga ang Local Government Unit, nidesider nga pasirad-an sa publiko ang maong falls. Niadtong Septiyembre 26, 2021 nabanlas ug gipanganod ang tulo ka tawo lakip ang usa ka bata nga nag-reunion diha sa Tinubdan Falls sa
Barangay Tabili. Patay gyud ang tulo ug ang usa kanila gianod gyud padung sa dagat. Ang Cebu Provincial Police Office nirekomendar ng daan sa LGU Catmon nga dili una pasudlan og mga tawo ang Tinubdan Falls nga nahimutang sa Barangay Tabili. Daan ng wala tugoti sa lungsod ang pag-ugmad sa maong falls sa ka pribadong negosyante tungod nakita nilang peligroso kini kaayo. Ang lungsod ug kapulisan nagpadayon sa ilang imbestigasyon sa maong trahediya.
Sa pikas bahin, ang Cebu City Disaster Risk Reduction Management Office niawhag nga kinahanglang i-regulate na ang pagduaw-duaw sa mga falls sa bukirang mga barangay siyudad aron malikayan ang nahitabo sa Catmon. Kini bisan pa man og dugay na nila kining giplano bisan wala pa nahitabo ang trahediya sa Catmon.
Matud sa pangulo sa Cebu City Disaster Risk Reduction Management Office(CCDRRMO) Ramil Ayuman dunay kapin 20 ka falls sa kabukiran sa siyudad.
Ang kinahabogan niini mao ang Tinisig-uwang Falls nga 40 metros ang gitas-on ug naa sab ang Kabang Falls.
Sa sunod semana subling magtagbo ang CCDRRMO ug opisyales sa barangay sa Budlaan aron pag-finalize sa resolution pag-regulate sa mga mobisita sa maong mga falls.
“Aside from a resolution mo come up sab og ordinance as agreed upon namo gahapon sa kapitan nga duna say ordinansa nga ilang ipalabang
but part sa ordinance, gawas sa regulation mangayo sila og fees kay kinahanglan man sad sa nagbantay but naay issues concern kay kanang Kabang falls ug Tinisig-uwang Falls ang nagpalibot ana dunay mga walo ka lot owners basin og mangayo og share ang lot owners but in principle
nakasabot na ta,”ni Ayuman pa. Sa katapusang bahin ning buwana magbutang sila og trail marking sa mga falls diha sa Barangay Budlaan aron mogiya sa mga moduaw didto aron dili masalaag.—Rowena Capistrano ug Decemay P. Padilla/IBM (BANAT NEWS)