CEBU, Philippines — Gilauman nga makatabang og daku sa pagbag-o sa kinabuhi sa mga small time drug pushers ang gibuksan nga Balay Silangan sa dakbayan diha sa Cebu City Resource Management and Development Center(CREMDEC) building sa Barangay Taptap.
Ang kalihukan gilusad kagahapon nga gitambongan sa kadagkuan sa Cebu City Office for Substance Abuse Prevention(COSAP), pipila ka mga opisyales sa kagamhanan sa siyudad., Department of Health Central Visayas, ug Philippine Drug Enforcement Agency (PDEA)7. Sumala sa pangulo sa Cebu City Office for Substance Abuse Prevention (COSAP) Jonah John Rodriguez sa dili madugay ibutang na nila diha sa
Balay Silangan ang 30 ka small time drug pushers. Molanat og tulo ka buwan ang proseso sa rehabilitation sa mga drug pushers diin ang unang buwan kinahanglan nila magpundo sa Balay Silangan
ug ang mosunod nga duha ka buwan himoon ang pag-monitor kanila. Ang Balay Silangan usa ka reformatory center ug tumong sa COSAP nga mausab ang huna-huna sa mga masulod didto, apil na ang pagtudlo kanila og laing panginabuhian