CEBU, Philippines — Dugang hugna sa mga mag-uuma sa nagkadaiyang dapit sa Siyudad sa Sugbo ang nakadawat og indemnity cheque isip abag sa ilang nadaot nga tanom ug nangamatay nga mga hayopan.
Nikabat ngadto sa P405,595.28 ang kinatibuk-ang kantidad nga na apod-apod ngadto sa 45 ka mag-uuma.
Mapasalamaton ang Cebu City Agriculture Department (CAD) ngadto sa Philippine Crop Insurance Corporation (PCIC) sa makanunayon nga pagsuporta sa mga mag-uuma.
Panawagan sa CAD alang sa mga gusto nga mopahimulos sa libre nga Crops And Livestock Insurance bukas kini gikan adlaw nga Lunes hangtud sa Biyernes sa alas 8:00 sa buntag ngadto sa alas 5:00 sa hapon.
Matud sa CAD nga dili matagna ang dagan sa panahon o pagtumaw sa mga kalamidad diin maapektohan ang mga tanom.
Mopadala usab ang maong departamento sa ilang mga technician diha sa nagkadaiyang barangay. BDB (BANATNEWS)