CEBU, Philippines — Ang Cebu City Medical Center Nursing Service Deparment ug Infection Control and Prevention Team mipahigayon og basic training ug orientation kauban ang Clinical Instructors sa Cebu Technological University (CTU)-CCMC College of Nursing.
Kini gitumong aron mabansay ang mga nurse kabahin sa COVID-19 protocols lakip na ang pagdumala sa basura sa medisina, ug pag-sterilize sa mga gigamit ug pag-atiman sa pasyente.
Uban niini gipakita usab ang proper donning ug doffing o ang saktong pagsul-ob ug pagtangtang sa personal protective equipment (PPE) ug proper hand hygiene.
Ang maong training gipahigayon isip pag pangandam sa pagbalik sa mga nursing students sa ilang clinical duty sa Cebu City Medical Center.
Ang mga nurse nga mao ang anaa sa frontline maoy sagad dali nga makakuha sa impeksyon, busa importante ang proper training ug orientation. —MEL (BANATNEWS)