CEBU, Philippines — Nadawat na sa Kagamhanan sa Siyudad sa Sugbo ang dugang 9,731 ka mga cash cards alang sa mga senior citizen.
Ang dugang hugna sa cash cards gihatod mismo sa branch manager sa Land Bank of the Philippines Cebu Plaza Independencia Branch nga si Vivian Visnar.
Kahinumduman naumol ang maong pamaagi sa paggamit og cash cards aron mas dali na ang pagpanghatag sa financial assistance sa mga senior citizen ug dili na kinahanglan nga ihatud sa matag panimalay ang ilang binuwan nga hinabang gikan sa kagamhanan.
Pinaagi nnini, malikayan usab ang mga tapok-tapok ug seguradong malikay ang katiguwangan sa hulga sa COVID19.
Subay niini si Jeffrey Ocampo, ang pangulo sa Office of Seniors Citizens Affairs OSCA, nanawagan sa ubang miyembro nga i-proseso na ang ilang application form ngadto sa iyang buhatan aron sayon nalang unya kanila ang pagkobra sa ilang binuwan nga financial assistance. —MEL (BANATNEWS)