CEBU, Philippines — Usa ka traffic enforcer sa Cebu City Transportation Office (CCTO) ang nadakpan sa entrapment operation nga gihimo sa mga sakop sa Criminal Investigation and Detection Group-Central Visayas (CIDG Region 7) diha sa MJ Cuenco Avenue sa Barangay Carreta diin kini nadestino tungod sa matud pa pagpangilkil.
Ang gidakop niadtong Huwebes sa gabii mao si Roger Cadutdut kinsa duh aka tuig palang nahimong traffic enforcer sa CCTO.
Si Cadutdut gikatahong makadaghan ng gireklamo diha sa CCTO tungod sa pasangil nga kusog mangwarta sa mga madakpang motorista ug gikatahong mopakita sab kini og pekeng Philippine National Police identification card.
Tungod sa maong mga reklamo, si CCTO officer-in-charge Lyntoni Alburo midangop sa CIDG-7 ilabi na nga dunay naka-video sa matud pa pagpangayon niini og kwarta sa dinakpang motorista.
Si CIDG-7 chief Ireneo Dalogdog, sa press conference kagahapon miingon nga usa ang usa nila ka polis ang nagpakaaron-ingnong ordinaryong drayber tuyo nga nihimo og traffic violation aron pagtino kun tinuod ang mga pasangil batok ni Cadutdut.
“There was one undercover operative who pretended to be a driver to prove the illegal activity he (Cadutdut) had been doing. As the operation went on, he (Cadutdut) demanded money and he accepted a 1000 mark money (from the undercover cop). He did not even issue a citation ticket,” si Dalogdog nagkanayon.
Matud pang Alburo daan ng gibadlong sa mga kauban si Cadutdut bahin maong video ug wa siya magtuong wala kini motagam. “Nobody is exempted. If they commit that kind of action, they will be penalized,” si Alburo nagkanayon.
Ang suspek kasohan og Robbery with Violence Against Intimidation of Persons o violation of Article 294 of Revised Penal Code. Laing kaso sab nga usurpation of authority ang ipasaka kaniya tungod sa pagpakaaron-ingnon niining polis.. —/KQD (BANATNEWS)