CEBU, Philippines — Mga Kaparian sa Archdiocesan Shrine of the Immaculate Heart of Mary nipabarug ug panimalay alang sa mga homeless nga sakop sa ilang parukya.
Kini ang gitug-an ni Fr. Joy Danao, Team Moderator sa Archdiocesan Shrine of Immaculate Heart of Mary.
Sa Social Media Post ni Danao, gipakita ang hulagway sa unang balay nga natukod para sa mga walay kapuy-an nilang parishioner.
Sumala pa ni Fr. Danao, hangtud matapos ang ilang termino sa ilang parukya anha pa usab sila mohunong sa paggama sa maong mga balay.
Dugang pa ni Danao, wala silay gitarget nga pila ka mga panimalay, kini magdepende lang sa ka manggihatagon sa mga parukyano ug sa ilang sponsor o sa budget nga ilang mahipos.
Ang gasto sa maong usa ka panimalay moabot hapit sa P64mil dala sa labor ug material ug sa pagkakaron nagsugod na sila sa pagpabarog sa ikaduhang balay nga ilang tukoron. Nasayran ang maong proyekto kabahin usab sa kalihukan sa 500 Years of Christianity nga adunay tema nga gifted to give. MEL (BANATNEWS)