CEBU, Philippines — Si Archbishop Jose Palma sa Archdiocese of Cebu subling nipahinumdum sa katawhan atol sa Easter Vigil Mass niadtong sa Sabado sa gabii nga si Hesukristo maoy kahayag nga nagtapos sa kangitngit sa kalibutan.
Si Palma nipadayag niini atol sa Sugat Kabanhawan nga usa gihapon kini ka paglaum nga bisan taliwala niining pandemiya nga usa na ka tuig ang nakalabay padayon gihapon sa pakigbisog.
Matud ni Palma nga human sa iyang kaayohan gikan sa COVID-19 daghan usab siyang nadawat nga text messages nga nangayo ug pag-ampo alang sa nangasakit nga sakop sa ilang banay ug lakip usab sa mga nakutloan sa ilang kinabuhi. Si Palma nagkanayon nga bisan sa kangitngit sa kalibutan karong panahona iyang giawhag ang mga magtutuo nga padayon gihapon sa pakigbisog.
Si Palma padayon usab nga niawhag sa mga magtutuo sa padayon sa pag-ampo tungod kay ang Kristo nabanhaw nidaog sa kangitngit.
Mapasalamaton si Palma sa mga Local Government Unit sa kalamboan nga nahitabo karong tuiga diin nakapahigayon na og kalihokan diha sa mga simbahan diin sa nilabayng tuig wala kini mahitabo. BDB (BANATNEWS)