Cebu, Philippines — Nagpahigayon og bank hopping ang kapulisan sa Dakbayan sa Talisay pinaagi sa ilang gitawag og wiper patrol.
Kini ilang paagi aron mamonitor ang matag bangko kun nipatuman ba sa health protocol ang establisamento ingon man pagpangumusta sa ilang sistema sa pagprotehir sa ilang buhatan.
Si Police Lt. Col. Gerard Ace Pelare, pangu sa Talisay City Police Station nagkanayon ang ilang wiper patrol mao ang mga polis nga magbahis sa kadalanan pinaagi sa motorsiklo.
Sila sab ang motabang pag-asistar kun pananglit adunay dinalian nga respondehan.
Matud pa ni Pelare nga matag karon ug unya makita ang kapulisan diha sa karsada aron sa pagmonitor sa dagan sa seguridad.
Siya nitataw nga dako og tabang ang presensya sa mga polis sa dalan gumikan kay nakita man niya ang pag us-os sa krimen.
Si Pelare nilusad sa wiper patrol o polis riding in tandem niadtong hinapos sa tuig 2020. (BANAT NEWS)