CEBU, Philippines — Napahiluna na sa iyang pahulayang dayon kagahaponsa hapon si Jose “Dodong” Gullas, chairman sa The Freeman. “He was a masterpiece brought to life” ang paghulagway ni Nena, biyuda ni Gullas atol sa iyang eulogy kagahapon.
“My friend, my boyfriend, my ex-boyfriend, my partner, my husband for life, I love you so much”, matud ni Nena una kini ni awit sa kantang “Matud Nila”.
Si Gullas ug Nena nagtipon kini isip matiayon sulod sa 16 katuig, upat ka buwan ug walo ka adlaw.
Gihulagway usab ni Nena si Gullas nga usa ka maluloy-on ug maayong tawo ug kanunay kining adunay kasing-kasing sa mga kabus ug sa religious community.
“He is not 100 percent perfect but our love for each other is so deep as well as our faith in God”, matud ni Nena. Bisan og wala na siya apan ang mga panumduman ug panulundon ni Gullas nagpadayon sa kinabuhi sa mga tawo nga iyang nahibilin kansang mga kinabuhi nga iyang natandog.
Si Gullas kinsa usa ka kanhi educator, philantropist, congressman diin ang iyang pagtaliwan dako og kawad-on sa Cebuano community ang napahiluna na kagahapon sa iyang pahulayang dayon diha sa motherhouse compound sa Daughters of Sta. Teresa sa Barangay Valladolid, Dakbayan sa Carcar. Ang iyang mga anak, kaparyentehan, JRG UV Chorale ang nipaambit sa ilang mga nindot nga handuman kang Gullas.
Si Mayor Gerald Anthony “Samsam” Gullas Jr. sa Dakbayan sa Talisay nihandom sa mga pahimangno kaniya sa magsuong Dodong ug Eddie (Kongresista Eduardo Gullas) nga kanunay’ng magpaubos ug magbilin ug maayong handumanan ngadto sa mga tawo ug padayonon ang mga maayong binuhatan sa pamilyang Gullas.
“Uncle Dodong would always tells me nga wala ka gihatagan og problema sa Ginoo nga dili nimo kaya”, Matud ni Samsam.
Nitambong usab kagahapon sa kalihokan ang ubang kawani sa The Freeman ug University of the Visayas. —The Freeman/BDB