Cebu, Philippines — Gihimakak ni Cebu Archbishop Jose Palma ang usa ka facebook messenger account nga nigamit sa iyang pangalan ug giingingong nag-solicit kini og kwarta ngadto sa mga tawo.
Nanawagan siya sa katawhan nga tabangan siya og report niini ngadto sa facebook admin.
Ang maong account nigamit sa pangalan nga “Abp Jose Palma” ug giingong nag-solicit kini ngadto sa pipila ka mga indibidwal.
Gigamit usab sa maong pekeng account ang hulagway ni Palma isip profile photo niini.
Gibutyag ni Palma nga nakadawat siya og mga taho kabahin niini.
Matud ni Palma nga wala siya’y gipangayoan nga mga indibidwal o bisan unsa nga organisasyon o institution.
"I have received reports of unknown person/s soliciting funds via this false account. In this regard, I want to officially assert that: I do not ask and never solicit funds from different institutions/groups, nor does my staff without my prior knowledge, formal consent and definite authorization”, pamahayag ni Palma diha sa iyang personal facebook account.
Subay niini, si Palma nihangyo sa katawhan nga dili motuo kong adunay mangayo ug tabang gamit ang iyang pangalan ug profile picture diha sa social media.
Si Palma niawhag usab kini sa katawhan nga ipahibalo dayon kaniya o sa iyang buhatan kong adunay mga tawo nga mangayo og donasyon gamit ang iyang ngalan. — Rowena D Capistrano