CEBU, Philippines — Gikahinangop sa mga kabus nga molopyo sa Barangay Punta Ingaño sa Dakbayan sa Lapu-Lapu ang ilang nadawat nga hinabang gikan sa kapolisan sa Presinto 2 sa Lapu-Lapuy City Office niadtong miaging Sabado.
Sa nasayran nga nagkasabot ang 30 ka mga polis sa Presinto 2 sa LLCPO nga magtampo tampo og tag P2,000 pesos gikan sa ilang nadawat nga hazard pay.
Gi apod apod ngadto sa mga residente sa Barangay Punta Ingaño ang mga bugas ,de lata nga sardinas, noodles ug uban pa.
Nadasig sa pagtabang ang mga polis nonot usab sa ilang programa nga mao ang Kapwa ko, Sagot ko” program sa Philippine National Police.
Giangkon sa pipila ka mga polis nga nakasinate usab sila og kalisud apan duna pay mas labaw nga nagkinahanglan og tabang ilabi na ang mga kabus. /MEL (BANATNEWS)