CEBU, Philippines — Gikahiubos ni Cebu Archbishop Jose Palma ang gihimo sa mga tawong nagpahimulos sa kahigayon pinaagi sa pagpaburot sa presyo sa mga galamiton kaayo sa katawhan ug kaning mga iregularidad sa distribusyon sa special amelioration program sa gobiyerno alang sa mga nangkinahanglan panahon sa COVID-19 pandemic.
Matud pa sa Arsobispo, kung buot hunahunaon, kining pandemic mao unta ang panahon aron ipakita ang pagamuma sa isi’g katawo.
Apan naguol siya nga adunay mga tawong nagpahimulos sa kahigayon sama sa pagpaburot sa presyo nga maisip nga usa ka krimen.
Suportahan ni Palma ang gobiyerno sa pagpasaka og mga kaso batok aning mga nagpahimulos.
Ang panahom sa Arsobispo iyang giluwatan human ang DILG nipasaka og kaso ngadto sa mga opisyal may kalabutan sa anomaloso nga pagapud-apod sa SAP nga diin adunay mga opisyales ang gipasanginlang nibulsa sa hinabang. /IBM (BANATNEWS)