CEBU, Philippines — Si Police Colonel Arnel Banzon pormal na nga nilingkod karong adlawa isip bag-ong provincial director sa Negros Oriental Provincial Police Office (NORPPO).
Kini maoy gikompirmar ni Police Brigadier General Albert Ferro, direktor sa Police Regional Office (PRO)-7.
Ang outgoing nga direktor sa NOPPO Police Colonel Julian Entoma ang ubos na kini sa “non-duty status” isip usa sa mga rekisitos sa pagpangdam alang sa iyang pagretiro sa serbisyo.
Si Banzon miyembro kini sa Philippine National Police Academy (PNPA) class 1996 ug classmate niini ang mga direktor sa Cebu City Police Office Police Colonel Josefino Ligan, Mandaue City Police Office Police Colonel Jonathan Abella ug Bohol Provincial Police Office Police Colonel Joselito Clarito.
Matud ni Ferro nga isip bag-ong direktor sa NORPPO usa sa mga tahas kang Banzon mao ang pagtubag sa problema kabahin sa New People’s Army (NPA) ngadto sa lugar.
Gawas niini, gawas sa problema sa NPA laing hagit ni Banzon mao ang pagpakgang sa kriminalidad sa Probinsiya sa Negros Oriental.
Si Ferro maoy nangulo sa turnover ceremony kagahapon tali kang Banzon ug Entoma. /BDB (BANATNEWS)