CEBU, Philippines — Pormal nang gitaktak sa Police Regional Office 7 ang kanhi hepe sa Argao Police Station nga si Police Major Ildelfonso Miranda sugod kagahapong adlawa sumala pa ni PRO7 Regional Director Police Brigadier General Albert Ferro.
Matud pa nga nakita imbestigasyon sa Regional Internal Affairs Services (RIAS7) ug Regional Investigation Detection and Management Division 7 nga nakalapas si Miranda sa pagpagawas ug pagsuroy-suroy niini kauban sa duha ka piniriso.
Kahinumduman nga gidakop si Miranda sa sakop sa Integrity Monitorng and Enforcement Group (IMEG7) inabagan sa Regional Intelligence Division sa sulod mismo sa Argao Police Station niadtong Marso 5 sa gabii.
Gitaktak sa serbisyo si Miranda tungod sa kasong conduct unbecoming of an officer ug grave misconduct nga kalapasan sa Section 3 sa Republic Act 1319.
Gibawi sab sa PRO-7 ang iyang mga makuhang benepisyo gikan sa gobiyerno sama sa retirement benefits ug uban pa.
“That’s what we want for those that are badlongon nga mga polis we dismiss them so that we will maintain the discipline and professionalism of our police force,” matud pa ni Ferro. Si Miranda mahimo pang moapelar sa iyang kaso sulod sa 15 ka adlaw subay sa pagsunod sa due process.
Una nang miangkon si Miranda nga ang bugtong niyang kasaypanan mao ra ang paghigugma sa piniriso tungod kay nadala siya sa kagwapa niini. /IBM (BANATNEWS)