CEBU, Philippines — Ang contractor sa mga proyekto sa Kapitolyo kinsa wala makatuman sa gihatag nga ultimatum ni Gobernador Gwendolyn Garcia kanselahon sa kagamhanan sa probinsiya ang kontrata niini.
Kagahapon Pebrero 29, maoy gikatakda nga adlaw ni Garcia alang sa mga contractor nga matapos ang illang proyekyto diha sa kadalanan sa probinsiya.
Ug kon dili sila makatuman niini ma-subject sila sa liquidated damages ug ma-disqualify.
"Those that have not performed will be terminated and they will not no longer have the chance to bid for even on the continuation kay some of these tag one kilometer pa man unya ato naman lang nang hutdon unta", matud ni Garcia.
Matod ni Garcia nga mangayo sya karon og report sa engineerings office kun asa ug unsa ra nga mga kontraktor ang nakatapos sa ilang proyekto sa gihatag nga deadline.
Si Garcia nihatag kini og ultimatum sa mga contractor human pipila kanila ang nalangay sa paghuman sa ilang trabaho bisan pa og nahatagan na sila og “Notice to Proceed” niadtong Nobiyembre 2019.
Niadtong niaging tuig ang hunta probinsiyal niaprobar kini sa kapin P700 milyones nga kantidad alang sa pagpalambo sa kadalanan sa Probinsiya sa Sugbo. /BDB (BANATNEWS)