CEBU, Philippines — Dili na i-outsource sa Probinsya sa Sugbo ang pag-hire og mga doktor para sa mga district hospital ug provincial hospitals niini tungod sa kapakyas sa service provider nga pun-on ang mga bakanteng mga slots.
Sumala pa sa Sugbo TV, ang opisyal nga news site sa Capitol Public Information Office, ang probinsya mogamit pagbalik sa job order scheme aron mo-hire og mga doktor para sa mga pampubliko niining mga tambalanan.
Sa miaging tuig, dunay pribadong kompanya nga gipalihok para mag-hire og mga doctor, hospital staff sa mga tambalanan apan.
Gipasabot ni Gobernador Gwendolyn Garcia nga kadtong mga doktor nga na-hire na kaniadto apan nagpabilin gihapon bisan gipaagi na og outsourcing scheme hatagan og konsiderasyon tungod sa ilang gipakitang “commitment” sa ilang propesyon ug “loyalty.”
Mahitungod sa ilang sweldo, si Garcia miingon nga iyang balansehon kay di sab makiangayon nga parehason sila sa regular nga empleyado ilabi na nga nagbayad og sila og buhis.
Kadtong mga direktang ma-hire nga mga doktor, gipasalig ni Garcia magpatuman ang probinsya ug estriktong pag-monitor sa ilang kalidad sa ilang serbisyo.
Pinaagi sab sa direktang pag-hire sa mga doktor gikinahanglan kini aron ma -upgrade ang upat ka mga ospital sa probinsya diha sa Balamban, Bogo, Carcar ug Danao gikan sa Level 1 hangtod Level 2.
Kun ma-upgrade na ang maong mga tambalanan makahimo na sila pag-opera ug makabaton na og intensive care units. /IBM (BANATNEWS)