CEBU, Philippines — Gitudlo na ang bag-ong officer in charge sa Cebu City Police Office sugdo kagahapong adlawa.Kini mao si Police Colonel Engelbert Soriano gikan sa Class 1996 via Lateral Entry kinsa maoy hepe sa Regional Operations Division sa Police Regional Office 7.
Diin iyang gihulipan si Police Colonel Geovanie Maines ang Regional Deputy Director for Operations sa PRO7. Si Maines mikompirmar nga si Soriano maoy mohulip kaniya isip OIC sa CCPO.
Si Maines maoy temporaryong gitudlo nga OIC sa CCPO human nga gihulipan si Police Colonel Gemma Vinluan samtang nagpadayon ang imbestigasyon sa pagbanhig kang Clarin Misamis Occidental David Navarro.
Si Soriano kinsa gikan sa Luzon mao ang gihulip kang Police Colonel Arnel Banzon sa Regional Operations Division human ang naulahi nasakit. Si Banzon mao ang giingong giduso ni Mayor Edgardo Labella nga palingkuron sa CCPO, apan tungod sa iyang panglawas, wala kini mahinayon. IBM (BANATNEWS)