CEBU, Philippines — Usa ka dakong bitin nga nipatim-aw diha sa karsada sa Barangay Biasong, Dakbayan sa Talisay ang na-rescue niadtong Biyernes.
Si Anthony Abapo, focal person sa Pooc Elementary School sa Disaster Risk Reduction and Management maoy ni-turnover sa bitin ngadto sa buhatan sa City Disaster Risk Reduction and Management Office (CDRRMO).
Ang maong bitin nga adunay gitas-on nga 108.5 ka pulgada nabantayan kini diha sa karsada ug nakapaukay sa mga tawo diha sa lugar.
Matud ni Alvin Santillana, pangulo sa CDRRMO nga dili poisonous ang maong klase sa bitin nga na-rescue apan dili usab kini kakompiyansaan tungod kay kusgan kini nga mobalibod sa buot niining tukbon.
Sa ilang pakisusi usa ka “reticulated python” o “python reticulatus” ang maong bitin.
Si Santillan nagtuog nga wild ang maong bitin tungod kay walay nianha sa ilahang buhaton nga nagpailang tag-iya niini.
Matud usab ni Santillana nga agresibo ang maong bitin tungod kay posibleng gigutom kini.
Ang nahisgutang bitin gi-turnover usab kini nila ngadto sa City Environment and Natural Resources Office (CENRO). (/BDB)(BANATNEWS)