CEBU, Philippines – Giawhag sa konseho sa Dakbayan sa Mandaue ang buhatan sa General Services Office sa paglimpiyo sa mga skywalk o flyover diin ipatangtang ang gibitay o gipapilit nga mga tarpaulin o mga commercialized poster tungod kay nakatabon kini sa panan-aw sa mga drayber.
Si Konsehal Jimmy Lumapas, chairman sa Committee on Transportation sa konseho sa dakbayan sa iyahang gipangamahanan nga resolusyon ang nipasabot sa katuyoan sa gitukod nga mga skywalk ug flyover. Gibutyag ni Lumapas nga diha sa flyover sa Barangay Subangdako, skywalk sa Barangay Maguikay, eskina sa Barangay Canduman ug Barangay Basak makita ang gipangbitay nga mga tarpaulin ug commercialized posters.
Masigpatan usab ang mga tarpaulin ug commercialized posters nga gipangbitay diha sa skywalk sa dalan UN Avenue sa Barangay Umapad, Barangay Looc, Jagobiao, Tipolo ug Basak. (/BDB) (BANAT NEWS)