CEBU, Philippines — Lakip sa nigradwar sa lima ka adlaw nga training sa army reservists sa 53rd Engineering Brigade, Philippine Army ang upat ka abogado ug nurse.
Ang training gipahigayon sa Camp Lapu-Lapu, Armed Forces of the Philippines-Central Command sa Dakbayan sa Sugbo.
Ang upat ka abogado ug nurse kabahin sa 37 ka tinun-an nga nisalmot sa subsob nga training ug nigahin sa ilang panahon aron pun-an ang ilang kaalam labot sa Collapsed Structure Search and Rescue.
Ang training gidumala sa Emergency Rescue Unit Foundation (ERUF) Cebu sugod niadtong Agosto 28.
Si Captain Rester Nonato niingon nga ang training nitutok sa search and rescue sa mga naguba nga mga istraktura nga mugna sa kakuwang sa pundasyon, linog o bisan unsa nga matang sa katalagman nga moguba sa istraktura.
Ang upat ka propesyonal nga sila si corporate ug labor lawyer Captain Rester John Nonato, litigation lawyer Major Giovanni Gil, nurse Staff Sergeant Valencio Cruz III ug si Chief Technical Sergeant Arnold De Asis maoy lakip sa nisalmot sa traning kinsa pulos sakop sa 5th Technical Administrative Services Brigade, AFP Reserve Command.
Asoy pa ni Nonato nga ilang gigahin ang ilang oras alang sa pagtabang sa mga tawo nga nanginahanglan nga walay bayad kay para nila ang pagserbisyo sa isig kaingon daku na kaayong kalipay para kanila. (/GMR)(BANATNEWS)