CEBU, Philippines – Higpit nga gipahimangnuan ang mga drayber sa pribado ug publiko nga sakyanan nga likayan ang pagpataka og parking sa kadalanan sa Dakbayan sa Mandaue nunot sa pagpatuman sa clamping ordinance.
Si Konsehal Jimmy Lumapas, chairman sa committee on transportation sa konseho sa dakbayan, ang nangamahan sa ordinansa nga nagpalig-on sa nahaunang ordinansa nga gipangamahanan ni kanhi konsehal Elston Dabon.
Tuyo niini nga mapatunan ang kahapsay sa dalan ug kalikayan usab sa mga drayber ang pagpataka na lang og parking sa sakyanan.
Ang buhatan sa Traffic Enforcement Agency of Mandaue gitahasan sa pagpahimutang og mga signage sa mga dapit nga gidili ang pag-parking sa mga sakyanan.
May kausaban sab sa multa sa bag-ong ordinansa ni Lumapas. (/GMR)(BANAT NEWS)