CEBU, Philippines — Human sa unom ka tuig gilusad pagbalik sa Kapitolyo ang One Cebu Expo nga nagpakita sa mga produkto sa kalungsuran.
Kini gihimo sa SM Seaside City kagahapon nga gipalungohan ni Gob. Gwendolyn Garcia diin nagkadaiyang exhibitors ang ni-display sa ilang mga produkto sama sa handicrafts, delicacies, furniture, accessories, home decorations ug uban pa. Si Enrison Bendicto, chairman sa One Cebu Expo, nagpasalamat nga nabalik ang maong kalihukan.
Si Garcia nipadangat sab og kalipay nga bisan duha ra ka semana ang pagpangandam nagmalampuson gihapon ang paglusad sa One Cebu Expo. “Once again napakita nato pag usab the excellence of being a Cebuano,” matud ni Garcia.
Ang One Cebu Expo molungtad kini hangtud sa Martes sunod semana. (GMR) (BANAT NEWS)