CEBU, Philippines – Hayan mahunong una ang P711 milyones nga underpass project sa UN Avenue, Dakbayan sa Mandaue.
Kini human giputol sa Department of Public Works and Highways ang ang kontrata tali sa Leyte-based BM Marketing tungod sa giingong pagpamakak sa track record niini isip kabahin sa technical qualification sa kontraktor.
Ang maong proyekto nagsubay sa UN Avenue padulong sa Marcelo B. Fernan Bridge.
Matud ni DPWH 7 Assistant Regional Director Mario Montejo nga naghuwat pa sila sa mando sa ila ulohang buhatan sa ilang sunod nga lakang nga himoon.
Apan bisan sa lakang sa DPWH, ang kontrator padayon sa pagpalapad sa karsada isip kabahin sa proyekto. (BANAT NEWS)