CEBU, Philippines – Nagsugod na ang Bids and Awards Committee sa Kapitolyo sa pagpangita og bidder nga magsilbing service provider sa mga empleyado niini.
Matud ni Atty. Roy Salubre, ang provincial treasurer kinsa maoy chairman sa BAC sa Kapitolyo, nga nakapahigayon na sila og pre-procurement process diin nagtigum ug nagtakda na sila og schedules sa mga activities hangtud nga makapili na og service provider.
Target nila nga sunod semana ang posting sa pagpangita og bidder ug sa Agosto aduna nay mapilian.
Si Salubre nagkanayon nga posible sab nga dili ra usa ka service provider ang kuhaon sa Kapitolyo.
“Daghan (service provider) especially sa katong sa hospitals… Probably (nga lain-laing ang service provider, sama sa janitorial ug medical personnel) kay kana sa outsourcing ilain gyud na siya kay specific man gud iyang requirements,” matud ni Salubre.
Si Gobernador Gwendolyn Garcia una na nga nagkanayon nga mas mopili siya sa pag-outsource og empleyado sanglit mas makadaginot ang Kapitolyo niini ug kun adunay malapas ang empleyado ang service provider maoy mangita og ikapuli. (/GMR)(BANAT NEWS)