CEBU, Philippines – Ang ubang departamento sa Kapitolyo posibleng ma-downgrade kini ubos sa bag-ong administrasyon.
Gipasabot ni Garcia nga dako kaayo ang gasto sa mga departamento nga mamahimo ra unta kining opisina ubos sa buhatan sa gobernador.
Si Garcia atol sa iyang mensahe sa inaugural session sa 15th Sangguniang Panlalawigan nipadayag ngadto sa mga bokal nga adunay reorganization sa Kapitolyo.
“There may, in this reorganization, be a need to downgrade certain departments in order to reduce redundancy, promote efficiency and ensure that the resources of the people are spent well and wisely”, padayag ni Garcia. Si Garcia nipahimangno usab sa tanang department head ug empleyado sa Kapitolyo nga mag usab sa pamatasan.
“Ang pinaka-basic gyud kay attitude change. I’m sending the signal to all department heads and Capitol employees as I had said when you asked me pag-proclaim nako the 6- years of sloth and lethargy are over. Now, it’s work, work, work. Either you put up kuyog sila motrabaho sila or ship out”, pahimangno ni Garcia.
Gipahibalo usab ni Garcia nga ang kanhi hepe sa Human Resource Department sa Kapitolyo nga si Noli Valencia maoy iyang gikuha nga Provincial Administrator sugod kagahapon. Sa laing bahin, gitinguha karon ni Mayor Jonas Cortes ang sayo nga pagpahigayon sa flag raising ceremony sa kagamhanan sa Dakbayan sa Mandaue sa matag Lunes sa dili pa ang alas 8:00 sa buntag.
Karong umaabot Lunes gikatakda nga alas 7:45 na ang flag raising sa mga kawani sa siyudad gawas lang kong ang adlaw nga Lunes matumong sa holiday.
Kini aron dili malangan sa ilang trabaho o matimhanang ang oras sa mga kawani sa paghatag og serbisyo ngadto sa katawhan. (Romeo T. Limpangog/BDB)(BANAT NEWS)