CEBU, Philippines – Lalaking naghuromintado, napusilan patay sa polis sa Lungsod sa Siaton sa Lalawigan sa Negros Oriental niadtong Domingo sa kaadlawon.
Dead on arrival sa tambalanan ang naghuromintado nga si Jovencio Abejero Ade, taga Brgy. Albiga, Siaton.
Sigon sa direktor sa Police Regional Office-7 nga si Police Brigadier General Debold Sinas, nga nagwild si Ade sa wala pa masayri nga hinungdan.
Sa dihang girespondehan kini og mga polis, kalit kining namusil ug maayo na lang nga walay naigo nga polis.
Apan, giingong mibawos ang polis aron unta ma-neutralize si Ade apan sa dihang gidala kini sa Cong. Lamberto Macias District Hospital sa maong barangay, gideklarar kining dead on arrival.
Nadiskubrehan sa mga sakop sa Scene of the Crime Operatives (SOCO) ang gigamit nga armas ni Ade nga usa ka kalibre 45 nga armas ug adunay magazine.
Sigon ni Sinas nga ang nahitabo walay kalabutan sa eleksiyon. (/DILT)(BANAT NEWS)