CEBU, Philippines – Tulo ka bag-ong pick-up nga sakyanan ang gikatakdang magamit na unya sa mga sakop sa City Disaster Risk Reduction and Management Office (CDRRMO) sa Siyudad sa Talisay.
Gibutyag ni Dr. Jomar Rubio, executive secretary ni Mayor Eduardo Gullas nga gipalit ang maong mga sakyanan alang sa pagresponde sa tanang matang sa alarma.
Iyang gibana-bana nga moabot sa kapin usa ka milyon ka pesos ang presyo sa usa ka sakyanan nga Nissan Navarra. Si Joan Vebar, pangulo sa General Services Office nagkanayon nga niadto pang adlawng Lunes naabot ang maong mga sakyanan.
Sa pagkakaron, ang gigamit sa CDRRMO mao ang karaan ug kontrobersiyal nga rescue vehicle nga napalit sa miagi pang administrasyon uban ang ambulansiya. (/DILT)(BANAT NEWS)