CEBU, Philippines – Walo ka mga gipasanginlang durugista ug kapin P7 milyones nga gituohang shabu ang nasakmit sa kapolisan ug Philippine Drug Enforcement Agency-7 sa gipahigayong buy-bust operations niadtong Lunes sa hapon ug kagahapong adlawa sa Dakbayan sa Sugbu, Talisay ug Lapu-Lapu.
Unom ang giingon nalambigit sa ginadiling drugas ang nasikop diha sa Spolarium Duljo Fatima, ug sa Sitio Mananga 1, Tabunok. Ang unang operasyon nahitabo diha sa Sitio Mananga, Tabunok, niadtong Lunes sa hapon diin nasikop ang lima ka suspetsado sa mga sakop sa PDEA-7 kauban sa Provincial Intelligence Branch-DEU ug Talisay City Police.
Ang lima mao sila si Sharekann Agriam Bernabatt, Rodenio Saluder Suico, Ruben dela Fuente, Jupiter Capangpangan Ebarola, ug si Charlie Relatado Badilles nga residente sa maong lugar. Nasakmit gikan sa lima ang 15 ka pakete nga gituohang shabu nga balor P340 mil nakuhaan sab kini ug .38 caliber revolver ug lima ka bala sa kalibre .45.
Sa laing operasyon gipahigayon diha sa Spolliarium St., Duljo Fatima,sa Dakbayan sa Sugbo kagahapon diin nasikop si Joxel Abellana Chan, usa ka High Value Target (HVT) ug residente sa maong lugar
Ang grupo ni Police Chief Inspector Kenneth Paul Albotra nakasakmit gikan ni Chan og usa ka gamay pakete nga gamit sa buy-bust, ug laing 11 ka medium nga pakete ug usa ka large ug extra-large nga pakete nga may gibug-atong usa ka kilo.
Gibanabanang mobalor kining tanan og P6.8 milyones nakuhaan sab kini og P4 mil nga gituohang halin sa ilegal nga drugas.
Si Chan mihimakak sa alegasyon nga iyaha ang maong drogas apan miangkon siya nakuha kini sa ilang panimalay.
Samtang nadakpan sab sa kapolisan sila si Clyde Tagalog Salibongcogon ug Gerald Cañet sa buy bust operation sa Barangay Poblacion sa Lungsod sa Liloan ug laing usa usab ka John Mark Gubalane Costan alyas Migo, ang nadakpan saBarangay Gun-ob, Dakbayan sa Lapu-Lapu.( Romeo T. Limpangog/IBM)(BANAT NEWS)