CEBU, Philippines — Ang University of the Visayas (UV) nisaulog kagahapon sa ika-100 katuig niini nga anibersaryo diin gibuksan kini sa usa ka Santos nga Misa.
Ang executive president sa UV ug chairman sa Banat News Jose Dodong” Gullas nisaysay kini nga ang Visayan Institute gitukod sa iyang mga ginikanan nga sila si Don Vicente (Inteng) ug Doña Josefina (Pening) Gullas niadtong tuig 1919.
Niadtong tuig 1948 ang maong eskwelahan nahimo kining unibersidad ug giilisan ang pangalan niini ngadto sa University of the Visayas. Gibutyag ni Dodong nga kanunay nga ipahinumdum sa iyang inahan ang pagpaubos.
"I hope Mama Pening is happy on what we are doing but at the end of the day, I request all blooded Visayanian to continue our UV's faith in our heart and mind, and to all Cebuano Happy Pit Señor!”, tipik sa pamahayag ni Dodong.
Ang presidente sa UV ug Talisay City Mayor Eduardo Gullas nipadayag nga gianad sila kaniadto sa ilang inahan nga magmainampuon.
"Kami ni Dodong, gabata gyud mi sa unsaon pag-ampo sa among inahan, ni Mama Pening, that is why when I came from UST, I made to point, nananghid kong Dodong nga although we are a non-sectarian school sugdan nato ug taposon ang klase with a prayer, so as early as 1950's every class in the UV starts with a prayer and ends with a prayer", paambit ni Eddiegul.
Ang maong sentinaryo nga kasaulogan sa UV dungan usab sa pagsaulog sa adlaw nga natawhan ni Don Vicente ang amahan sa UV. (/BDB)(BANATNEWS)