CEBU, Philippines – Lima ka cell sites ang ipabarog sa Globe Telecommunications sa Dakbayan sa Sugbo karong tuiga diin ang usa niini gilusad na niadtong niaging adlaw ug laing usa ang ilusad karong adlawa.
"This is part of our vision to provide each and every Filipino access to critical telecommunications services, especially those who live in underserved, sparsely-populated areas, as they need connectivity the most”, matud ni Globe general counsel Froilan Castelo sa gipadala niini nga press statement.
Niadtong Enero 6, 2019 gilusad ang cell site diha sa Barangay Bonbon ug karong adlawa laing cell site ang ilusad diha sa Barangay Guba.
Laing tulo ka cell sites ang ibutang diha sa Barangay Tabunan, Sirao ug Babag.
Matud pa sa Globe Telecommunication nga ang maong dugang nga cell sites magkonektar kini sa liboan ka households ngadto sa tibuok kalibutan.
Nagpasalamat usab ang Globe ngadto sa Cebu City Government ilabi na kang Mayor Tomas Osmeña sa paspas nga pagproseso sa ilang mga permit.
Dugang sa Globe nga ang pagpamutang og mga cell site diha sa mga bukirang lugar sa Sugbo parti kini sa ilang massive network modernization program alang sa resilience ug reliability sa ilang network.
Ang Globe padayong nag-invest alang sa pag-modernize ug pag-upgrade sa ilang network diin nikabat ngadto sa 32 porsiyento sa ilang topline revenues matag tuig ang ilang nagasto. (/BDB)(BANAT NEWS)