CEBU, Philippines – Sa padayong kampaniya batok sa ilegal nga drugas 15 ka polis aktibo ug mga retirado ang napatay ug naangol sa nilabay’ng tuig. Niadtong Marso 13, 2018 si PO2 Romeo Bolaño gipusil patay sa wala mailhing kriminal diha sa Barangay Lipata, Lungsod sa Minglanilla.
Sunod nga napatay si PO2 Kenneth Pogoy niadtong Abril 24, 2018 gipusil kini sa wala usab mailhing kriminal diha tungod sa Plaza Independencia.
Niadtong Abril 29, si PO3 Raymond Zozobrado ang gibanhigan diha sa Barangay Mambaling human kini nibisita sa haya ni Pogoy. Wala napatay si Zozobrado sa maong hitabo.
Niadtong Hunyo 10, napatay sa usa ka buy-bust operation si Senior Inspector Raymund Hortezuela ug niadtong Hunyo 13, si PO3 Jonathan Tilos, sa Sitio Malubog Barangay Poblacion sa Alegria.
Niadtong Hunyo 19, napusilan patay sa wala mailhing motorcycle-riding-in-tandem si PO2 Melchizedek Quijoy Batomalaque, sa Toledo City. Niadtong Hunyo 24, napatay si SPO2 Ranilo Valiente, sa Barangay Poblacion, Cordova ug niadtong Hunyo 27, napatay si SPO2 Adonis Dumpit sa Tagbilaran, Bohol human kini giingong nisukol sa mga sakop sa NBI-7.
Pagka Hulyo 19, si SPO2 Armando “Ahmed” Lozano ang napusilan diha dapit sa Labangon Bliss Elementary School.
Lakip sa napatay ang mga ahente sa Philippine Drug Enforcement Agency nga sila si Von Rian Tecson sa Dakbayan sa Carcar niadtong Agosto 8 ug Baby “Earl” Rallos niadtong Hulyo 27 diha sa kilid sa Kapitolyo.
Udto sa Oktubre 10, napatay si PO3 Micahel Santinno Cortes sa Sitio Ranger, Barangay Biasong Talisay City.
Niadtong Nobiyembre 14, napatay si PO2 Lord Romyth Canada sa Minglanilla ug duha ka retiradong nga polis nga sila si SPO4 Ferdinand Navales og SPO1 Edgar Causon ang napatay diha sa Barangay Bulacao, Talisay City niadtong Nobiyembre 25.
Sa Disyembre 19, napatay si Senior Inspector Porferio Gabuya Jr., sa Barangay Poblacion Negros Oriental ug ang labing ulahi mao si PO2 Romeo Jumalon. (/BDB)(BANAT NEWS)