CEBU, Philippines — Dul-an ngadto sa 100 ka lawak saringan ang natukod ug na-turnover ni Kongresista Gerald Anthony “Samsam” Gullas ngadto sa Department of Education (DedEd) sa Dakbayan sa Talisay.
Ang labing ulahing nahatagan sa maong proyekto ang Barangay Biasong ug Cansojong.
Ang pundo sa pagtukod sa maong mga classroom gikan kini sa kongreso kinsa si Gullas ang nisugyot nga gahinan kini.
Si Superintendent Leah Noveras, pangulo sa DepEd sa siyudad nagkanayon nga niadtong tuig 2016 nikabat ngadto sa 123 ka lawak saringan ang ilang nadawat ug 73 sa tuig 2017 samtang gisusi pa kon pila ka classroom ang natukod sa tuig 2018
Matud ni Noveras nga dako og tabang alang sa kabatan-onan ang maong edipisyo gumikan kay daghan ang nanginahanglan niini.
Si Gullas sa iyang bahin, nagkanayon nga usa sa iyang prayoridad mao ang paghatag og edukasyon sa mga kabataan hinungdan lawak saringan ang iyang usa sa gibuboan nga proyekto.
Dugang ni Gullas nga daghan pa unya nga mga classroom ang ilang mahatag sa sunod tuig. (/ BDB)(BANATNEWS)