CEBU, Philippines – Nakatala ang buhatan sa Commission on Elections og 43 ka kandidato alang sa pagka-konsehal sa Dakbayan sa Lapu-Lapu sunod eleksiyon.
Lima ang kandidato sa pagka-mayor ug pagka-bise mayor samtang upat ang kandidato alang sa pagka-kongresista.
Naglakip sa mga kandidato sa pagka-kongresista mao sila si Pablo Doronio Jr., Karina Virginia Perpetua Cabahug, Eugenio Espedido ug Mayor Paz Radaza kinsa nagserbisyo na sa katapusang termino isip mayor sa maong dakbayan.
Magtigi sab ang lima ka kandidato sa pagka-mayor sila si Virgilo Cano, Prospero Victorino Cabahug, Pajo Barangay Kapitan Jonard “Ahong” Chan, Engr. Rolando Patalinjug ug kanhi kongresista ug kanhi mayor Arturo Radaza.
Ang mga nagpapili alang sa pagka-bise mayor mao sila si Dr. Celedonio Sitoy, Ernesto Tumulak, Kuditha Victoria Cabahug, Edgar Chiutena ug Konsehal Harry Radaza.
Samtang mag-ilog sa pag-angkon alang sa napulo ka lingkuranan sa konseho ang 43 ka kandidato nga sila si Bise Mayor Marcial Ycong, Konsehal Efren Herrera, Alexander Gestopa, Cipriano Flores, Ricardo Amores, Queenie Malingin Ahmann, Gregorio Paquibot uban sa mga bag-o nga sila si Elias Berdin, Carl Keneth Amigable, Leonor Alterado, Jose Dungog, Flaviano Iyas, Reynaldo Canton, Mini Ponce ug Helario Senen.
Dugang nga magpapili alang sa pagka-konsehal sa maong dakbayan mao sila si Genaro Tampus, Zosimo Flores, Dominador Casinilio, Francisco Gilig, Celestino Aying, Climaco Tatoy, Linda Susan Baring, Ferdinand Dungog, Erlinda Morales, Nelson Yap ug Emilio Galaroza.
Magpapili sab sa pagka-konsehal sila si Vincent dela Serna, Diosaminda Hayashi, Alfredo Berame, Kim Francisco, Tioderica Cortes, Crisanto Gincmo, Oliver Sario, Rosel Esguerra, Jerico Cosep, Prospero Cabahug ug Marfil Sollano. (/GMR)(BANAT NEWS)