CEBU, Philippines — Karong adlawa ang Bids and Awards Committee mopahigayon og bidding sa rental sa heavy equipment nga nagkantidad og P47 million gikan sa Department of Public Services account nga naglangkob sa 11 ka dump trucks ug 10 ka compactor trucks nga gitagana alang karong buwana hangtod sa Disyembre ning tuiga.
Ang maong pundo supplemental budget sa DPS nga na-approved sa City Council niadtong Agosto 14. Sa pagkutlo ning balita ang pangulo sa BAC Ronald Malacora nagkanayon nga usa lang ang interesadong bidder nga mao ang Geo Transport and Construction Inc.
Sigon niini bisan og nag-inusara kining bidder, ubos sa balaod ang City Government magpadayon gihapon ang bidding process ug dili sab siguro dayon nga sila maoy makadaog.
Ang Technical Working Group (TWG) motan-aw sa legal, technical ug financial. documents sa bidder.
Matod ni Malacora ang terms of reference susama lang gihapon sa rental contract sa siyudad sa ubang hauling service providers niini.
Kinahanglang duna silay extra trucks arom ikapuli kon may maguba.
Ang kontraktor obligado moabaga sa krudo ug ang papel lang sa siyudad mao ang pag-monitor sa ilang trabaho ug pagbayad kanila. (BANAT NEWS)