CEBU, Philippines – Hapit gyud motumaw ang kagubot sa welga sa mga trabahante sa Liwayway Marketing Corp. dihang ang ilang kaubanan wala nisalmot ug namugos pagsulod alang sa pagtambong sa ilang trabaho kagahapon sa buntag.
Ang 200 ka trabahante gipugngan sila sa ilang mga kauban nga nagwelga nga gisuportahan sa mga cause-oriented groups nga nag-atang sa pultahan.
Gidemanda sa mga trabahante nga nagwelga mao ang kahatagan sila og kasegurohan sa ilang panarbaho pinaagi sa pag-regular sa ilang trabaho subay sa balaud sa pamuo.
Hinoon ilang gipaabot ang hukom sa mga nagdumala sa kompaniya.
Ang pipila ka trabahante nga nahinabi sa Banat News niingon nga magpadayon sila sa ilang welga hangtud nga ang National Conciliation and Mediation Board (NCMB) mopatunga alang sa sabotsabot. (/GMR)(BANAT NEWS)