CEBU, Philippines – Giloglog patay ang usa ka dispatser sa mga taxi sa iyang gikalalis sa ilawom sa flyover sa Tabunok, Dakbayan sa Talisay kagahapon sa alas 3:55 sa kaadlawon.
Ang biktima nailhan nga si Rolando Ruiz, 55, minyo nga taga Area 3, Urban Poor, Barangay Maghaway, samtang ang suspek nailhan nga si Robert Beato alyas Totong, 24, taga Barangay San Isidro sa maong siyudad.
Si SPO1 Achiles Cabando sa Talisay City Police Station nagkanayon nga samtang nanawag og pasahero sa taxi ang biktima kalit niabot ang suspek dayon tigbas sa biktima.
Naigo sa walang aping ang biktima ug nakamaneho pa kini sa pagdagan apan ang suspek nisunod hangtud sa iyang pagkahagba ug gitiwasan pinaagi sa pagloglog sa liog.
Giingong naglalis ang biktima ug ang suspek sa wala pa mahitabo ang krimen.
Ang mga nirespondeng polis nakarekober og usa ka sundang nga maoy gituohang gigamit sa suspek kinsa dali nga nisibat. (/GMR)(BANAT NEWS)