CEBU, Philippines – Gihingusgan ni Konsehal Joel Garganera nga mapatuman ang iyang ordinansa kabahin sa pagpataud og close circuit television (CCTV) cameras sa Siyudad sa Sugbo.
Sigun ni Garganera nga ang ratio sa kapolisan karon ug sa komunidad kay 1:3,000 ug dugang niya nga dunay posibilidad nga sa umaabot nga tuig mahimo pa kining 1:10,000.
Matud niya nga daghan na kaayong malls ug establisemento maong nakita niya ang panginahanglanon sa mga polisiya nga makatabang kanila.
Nasayud siya nga adunay ubang establisemento nga magtaud og CCTV cameras apan compliance lang ang uban wala nag-andar.
Kasagaran sab sa mga CCTV cameras kay bati og kalidad nga kung tan-awon ang video dili maklaro ang mga tawo nga nakuha niini.
“So, if these establishments are very serious in protecting their clients and is very serious in addressing peace and order, they should put their money where their mouth is,” matud ni Garganera.
Si Garganera nakig-alayon na sa kapolisan sa Siyudad sa Sugbo kabahin sa iyang CCTV Camera Ordinance ug ang pagpabutang og maayong kalidad nga CCTV cameras aron mailhan gyud ang mga tawo nga makuha niini.
Giklaro niya nga mandatory kini sa mga subdivisions, condominiums ug mga establisemento pinaagi sa pagtaud og CCTV cameras sa entrance ug exit. “CCTV cameras is one way also of helping the police in doing their jobs,” matud ni Garganera. (/GMR)(BANAT NEWS)