CEBU, Philippines – Nalandig sa tambalanan ang 30-anyos nga negosyante human gipusil sa duha ka nagmotorsiklo atubangan sa iyang pension house sa may dalan Sikatuna, Day-as, Dakbayan sa Sugbo.
Ang biktima mao si Carlo Ybañez, ulitawo, tag-iya sa Ence Pension House, kinsa dali nga gidala sa tambalanan gumikan sa samad sa dughan.
Ang biktima giingong naglingkod lang gawas sa iyang pension house dihang kalit niabot ang wala mailhi nga mamumuno kinsa dali nga nisibat. (/GMR)(BANAT NEWS)