CEBU, Philippines — Gipaninguha karon sa Dangerous Drugs Board uban ang lain pang ahensiya sa gobiyerno nga ma-institutionalize ang rehabilitation program alang sa mga prisohan.
Si DDB Undersecretary Benjamin Reyes nagkanayon nga ilang han-ayon ang rehabilitation program sa mga prisohan.
Kini gumikan sa pagkakaron nagsagol ang mga piniriso nga user ug pusher sa mga prisohan.
Matud ni Reyes nga ang mga piniriso nga tiggamitan og ilegal nga drugas angay ibutang sa medical rehabilitation samtang ang mga nakalapas sa Comprehensive Dangerous Drugs Act nga dili tiggamitan sama sa mga pusher, adto kini ipaubos sa reformatory facilities.
"These are facilities na parang extension sa jail system, most probably ito yong mga taong naka-violate sa RA 9165 pero hindi naman users," matud ni Reyes.
Si Reyes nagkanayon nga usa kini sa ilang han-ayon sa tinguha nila nga ma-institutionalize ang rehabilitation program sa mga jail facilities.
Ang DDB ug mga opisyal sa ubang ahensya sa gobiyerno sama sa Philippine Drug Enforcement Agency ug private rehabilitation facilities nagtigum kagahapon alang sa maong tinguha.
"We will put up institution na even magpalit ng administration continuous pa rin ang rehabilitation program," matud ni Reyes. (BANAT NEWS)