CEBU, Philippines – Nakadawat ang 28 ka upland barangays sa Siyudad sa Sugbo og mga farm production inputs assistance sama sa fertilizer, seeds, mga hose ug uban pang gamit.
Gibutyag ni Assistant City Agriculturist Arlie Gesta nga programa kini sa siyudad dili lang panahon sa ting-init.
Pundo pa sa niaging tuig ang ilang gigamit nga karon pa napagawas.
Sa laing bahin, ang City Agriculture Department wala pa kadawat og mga report gikan sa mga mag-uuma sa kadaut sa ilang pananom karong ting-init.
Kini tungod kay nagpabiling normal ang dagan sa tubig ug ubang water sources sa kabukiran ug nakatabang usab niini ang panagsa nga pag-uwan-uwan.
"Hopefully lang dili to matinuod ang balita nga the whole month of May mao kunoy pinakainit,” matud ni Gesta.
Giawhag ang mga mag-uuma nga dili mananom og daghan ug andamon lang una ang yuta aron deretso na ang pagpananum inig abot sa uwan. Gitambagan nila ang mga mag-uuma nga mananom og mga crops nga molahutay sa init samtang dili painitan ang kahayupan. (CNU Intern/GMR)(BANAT NEWS)