CEBU, Philippines – Nag-iyahay og tapok ang mga dumadapig ug kritiko sa administrasyong Duterte kagahapon atol sa selebrasyon sa Labor Day nga gitambongan sa pangulo.
Apil niini ang bag-ong grupo sa mga magtutudlo nga DepEd Teachers Union-NLU-NCR (DTU-NLU-NCR) nga gilangkuban sa mga magtutudlo Metro Manila nga giimbitar sa DOLE sa kalihokan dinhi sa Sugbo.
Si Cynthia Villarin, usa ka magtutudlo sa publiko sa Justice Cecilia Munoz Palma High School sa Quezon City miklaro nga kaugalingon nilang gasto ang pag-anhi dinhi.
“We also expect him to wipe out the indebtedness of thousand of lowly-paid public school teachers,” dugang pa ni Villarin.
Samtang gibanabanang 200 ka mga walhong militante gikan sa nagkalain-laing pundok naghimo usab og demonstrasyon diha sa Pope John Paul II Avenue layo sa venue sa ICC ang misaway sa EO ni Duterte kay matud pa nila dili kini tubag sa problema.
Nanawagan usab silang usbawan ang suholan, pagbalik sa peacetalks sa mga rebeldeng komunista ug reporma sa yuta. Ang kapolisan wala motugot sa mga militante nga makapaduol sa ICC diin nitambong si Duterte.
Matud pa ni Labor Undersecretary Jacinto “Jing” Paras adunay 140 mil ka mga local ug trabaho sa abroad ang gipangita sa maong jobs fair. Si Sr. Supt. Joel Doria, pangulo sa Cebu City Police Office miingon nga malinawong natapos ang kalihokan. (Mary Rose S. Sagarino, Niña Mae P. Salvacion, Mary Mel Coma, Rejena Sevilla, CNU ug PIT Interns/IBM)(BANAT NEWS)