CEBU, Philippines – Giplanohang ipahigayon usab sa Cebu City Police Office (CCPO) ang peace covenant signing tali sa mga kandidato sa umaabot nga barangay ug Sangguniang Kabataan (SK) Elections karong Mayo 14.
Una nang gitinguha sa Mandaue City Police Office (MCPO) nga iduso ang maong pinirmahay isip usa sa mga lakang sa pagpahapsay sa maong pinilay.
Si CCPO director Senior Supt. Joel Doria miingon atol sa press conference kagahapon nga aduna nay mga kandidadto sa mga barangay sa dakbayan nga misaad mosalmot sa maong pinirmahay.
"We will be expecting na magiging peaceful ulit ang elections dito (sa Cebu city)," si Doria miingon.
Matud pa niya nga makig-alayon sab sila sa Commission on Elections alang sa maong lakang nga ilang himuon. Sa peace covenant nakabutang ang mga angay ug dili angay buhaton sa mga kandidato sa politika atol sa election period.
Butyag ni Doria ngadto sa Banat News, hayan karong ika-duhang adlaw sa Mayo ang maong pinirmahay. (/IBM)(BANAT NEWS)