CEBU, Philippines — Napublikar na sa Joint Venture Selection Committee sa pamantalaan ang “final notice for invitation to submit comparative proposal” sa P18 bilyones nga investment sa Universal Hotels and Resort Incorporated.
Kini maoy gibutyag ni Francisco “Bimbo” Fernandez, executive assistant to the mayor.
Ug magpaabot na lang sila kong adunay mo-challenge sa proposal ug mahibaw-an nila kini karong umaabot Pebrero 14, 2018.
Ug kong walay mo-challenge ang draft sa kontrata tali sa kagamhanan sa dakbayan sa Sugbo ug Universal Hotels and Resort Incorporated isumitir kini ngadto sa konseho sa siyudad alang sa approval.
Malaumon si Fernandez nga madayon ang maong proyekto ug maaprobahan sa konseho aron ma-develop ang Kawit Island diin giplanohan kining tukoran og hotel, restaurant, recreation centers ug uban pa.
Ang kwalipikasyon sa mga challenger mao nga andam sila mo-invest og P18 billion ug makahatag og dako pa nga benepisyo ngadto sa siyudad sa Sugbo. (BDB) (BANATNEWS)