CEBU, Philippines — Patay ang 63-anyos nga lalaki human nabanggaan sa usa ka van sa Tuyan, Dakbayan sa Naga niadtong Lunes sa buntag.
Ang nakalas giila nga si Godofredo Cantero, 63, taga Clarin, Probinsiya sa Bohol.
Sumala pa sa desk officer sa Naga Police Station, PO1 Anastacio Sericon, nga alas 9:30 sa buntag nitabang og sinyas si Cantero sa usa ka bag-ong Toyota Hi-Lux nga nigawas gikan sa parking lot sa establisemento paingon unta sa main road.
Apan aksidente kini nga gibanggaan sa Mitsubishi Fuso Canter closed van nga adunay plakang USF 776 ug gimaneho ni Christopher Briones, 37, taga Lungsod sa Barili.
Gidali pagdala sa Cebu South General Hospital sa Dakbayan sa Naga ang biktima apan gideklarar sa doktor nga patay na. (BANAT NEWS)